حبيبي كان معايا . وفجاه فارق حضن عنيا
هواه كان طيف حواليا. ودي الوقت دموعي مش بتفارق عنيا
ودعتك وانا بين ايديك . ودموعي بتقولك حرام عليك
ليه يازمن قسيت عليا. بعد ما حنيت علي قلبي شويه
خليت قلبي يحتار. ويقول ده غدر حبيب ولا دي اقدار
بس انا سبتلك الاختيار . وكان بايدك القرار
واخترت اني ابعد واسيبك . وبتقولي اصل انا مش نصيبك
هسيبك للايام . ويارب تلاقي الحنان
رساله ياللي كنت حبيبي .وسامحني علي كلمه حبيبي
ايوه انا حبيتك .وبدمع عيني اشتريتك
هويتك بكل ما فيا . وانت ودعتني من غير نظره حنيه
اخترتك تبقي ملاكي.. بس ازاي وليه بقيت هلاكي
ملكتك عمري وحياتي .مع انك كنت حلم في خيالي
ياما حلمت بيه . وكان نفسي في صدفه تجمعني بيه
يا اجمل صدفه فرحتني. وفي ثانيه راحت وفارقتني
استكترها عليا الليالي. واخدت مني الحبيب الغالي
ابعد عني وانساني. وكفايه علي احزاني
سبني مني لليالي .افضل اشكي لها حالي
واحكيلها علي غدر الغالي. بعد ما ضميته في حضني ليالي
يرزقك يا حبيبي باللي تصونك وتحافظ عليك
اخدت انت القرار . وسبتني عايشه في وسط نار
وقسيت علي القلب الغلبان. وبايدك قطعت حبل الامان
زي ما كنت شمس ميلاده . اديك بايدك كتبت وفاته