ساهر مع النجمات ودموع القمر

فى ليله ساهر مع النجمات اطمن على احوالهم
اسمع منهم حكايات واعرف ايه مالهم
بصيت لقيت القمر قاعد قدامهم
حسيت بعيونهم الحزن ماعرفشى ايه مالهم
قربت للقمر لقيت فى عيونه دموع
قلت مالك ياقمر من ايه موجوع
قالى غابوا الحبايب من غير رجوع
ندهت عليهم بصوتى واتارى صوتى مش مسموع
من يوم ماغابوا وانا عيونى ملتها الدموع
حسيت بحزن كبير على قمر الليالى
حزنه بياثر فيا لانه هوه الغالى
قلت عجيبه يازمن على ده الحال
تخلى القمر يبكى دموع
ده انا والقمر يازمن غنينالك موال
اخرتها تخلى القمر موجوع
امسح دموعك ياقمر ولا تبكى على اللى راح
عمر الدموع ياقمر ماتداوى الاجراح
دموع القمر فكرتنى بسنين عمرى
رجعت لياالالام العمر اللى راح
دموع القمر ياناس دى غاليا علينا
هوه اللى فى سماه البعيده بيضوى لينا
اذاى نخلى القمر بعيونه دموع
ازاى نخليه كده موجوع
حرام القمر السهران يضويلنا
نسيبه لحاله كده مخدوع
انا معاك ياقمر الليالى لك حبيب
انا معاك الدوا والطبيب
فداك دموع عينى كلها
وخسارة دمعتك يالحبيب
دموعك ياقمر غاليه عليا
انت الامل والحب وانت الطيب
سلامة عيونك ياقمر ليالينا
عسى الحزن مايجيك ياحبيب
وسلامتكم

الله الله عليك

صح لسانك بجد حلووو

احلى يامان اصلللللللى