ياريتنا زى الاسامى ماتغيرنا السنين
ياريتنا نعيش بالفرح لو لحظه
مكتوب علينا نكون من المجروحين
ولا نفكر ننتظر فرصه
عايشين بالدنيا ميتين
ولا عارفين فين روحنا
ياريتنا زى الاسامى ماتغيرنا السنين
ونعيش وقتنا ولا نفكر فى بكره
دايبين فى الحب وسهرانين
عايشين على لحظة فكره
نرسم محبة ورود عاشقين
وتكبر فى عنينا الفرحه
لكن هنحكى ونقول لمين
طالما النفوس هتتغير بكره
ياريتنا زى الاسامى ماتغيرنا السنين
ونعيش على قصة حلوه
نداوى قلوب عشاق مجروحين
ونغنى ليهم اجمل غنوه
لكن خلاص انا من المفقودين
هتفتكرونى بس للذكرى
واسمى هيبقى على مر السنين
طيف هيعدى عليكم بفكره
كلمه قولتها او كلمتين
اهو لحظه تفتكرونى بيها بكره
انا بكره يمكن تحت التراب دفين
تعالوا قبرى زروه بدمعه
قولوا كان طيب وحزين
قتله الحب وباقى ليه الذكرى
انا خلاص من الميتين
واسمى معاكم خلوه ذكرى
واسمى معاكم خلوه ذكرى
انا اسمى معاكم خلوه ذكرى