باب الأحباب
يا باب الأحباب ............يا باب الأحباب
بدق كتير عليك يا باب
كأن الدق مش مسموح
أعاتب لم سمع لعتاب
ولا بتسمع ..........ولا بتدمع
ولا بتجمع وراك أحباب
ولا باين عليا رجوع ...........يا باب الأحباب
******************************
حبايبنا نسوا دروبنا ...........وخطاوينا ما نسيتهومش
وحتى ان روحنا أو غبنا ...........غيابنا ما يتعبهومش
وكانوا قالولنا وسمعنا ,,,,,,,,,,,,بفرحة لما دمعنا
نقشنا الحلم فى ايدينا ...........وشوفنا بكرة بعنينا
يا باب البيت ....ايه سويت....لما قفلت واترديت
داريت الحلم ...ولا داريت ......هوى كداب .وراك يا باب
ولا بتسمع ......ولا بتدمع
ولا بتجمع وراك أحباب
ولا باين عليا رجوع .......يا باب الأحباب
****************************** *******
ولولا الود والأيام ............ما أفكر يوم وأقربلك
مادام الدمع ده حقى ........خلاص الدق مش حقك
لكن تسرقنى أيامى .......وألاقيك تانى قدامى
ومن تانى ............أنا دقيت
يا باب البيت .........ايه سويت .....لما قفلت واترديت
داريت الحلم ........ولا داريت
هوى كداب .......وراك يا باب
ولا بتسمع ........ولا بتدمع
ولا بتجمع وراك أحباب
ولا باين عليا رجوع ..........يا باب الأحباب
****************************** **************